आमच्याबद्दल

सारिका अंबादास आटोळे-पाटील या ग्रामीण महिलांच्या सक्षमीकरणासाठी कार्यरत असलेल्या एक सक्षम उद्योजक, सामाजिक कार्यकर्ते आहेत. त्यांनी सुरुवातीला महिला संघटनांमध्ये आणि बचत गटांमधून महिलांना आर्थिकदृष्ट्या सक्षम बनवण्यासाठी विविध कौशल्यांचे प्रशिक्षण दिले. त्यांच्या मार्गदर्शनाखाली अनेक महिलांनी आपल्या जीवनात आर्थिक स्वावलंबन मिळवले आणि उद्योगांची सुरुवात केली.

आता त्यांनी एक महत्त्वाकांक्षी प्रकल्प हाती घेतला आहे - पशु सखी अभियान. या प्रकल्पाच्या माध्यमातून यांनी ग्रामीण भागातील महिलांना कुशल पशुपालक बनवण्यासाठी व्हेटर्नरी प्रशिक्षण दिले. या प्रशिक्षणातून महिलांना गाई गोठा व्यवस्थापन, पशु आरोग्य, दूध विक्री, पशु विक्री आणि दुधापासून विविध बाय-प्रॉडक्ट्स तयार करण्याचे संपूर्ण ज्ञान दिले जाते. यामुळे महिलांना अधिक आर्थिक सक्षमता मिळवून देण्याचा सारिका यांचा प्रयत्न आहे.

सारिका अंबादास आटोळे पाटील यांचे नेतृत्व आणि मार्गदर्शनाने महिलांना आपल्या उत्पादनासाठी योग्य बाजारपेठ उपलब्ध करून दिली जात आहे, ज्यामुळे त्यांच्या उत्पन्नात वाढ होते. हे अभियान केवळ महिलांना सक्षमीकरण देत नाही, तर त्यांचे जीवनमान उंचावून ग्रामीण अर्थव्यवस्थेत सुधारणा घडवते.